მუნიციპალიტეტი მართვის ოპტიმიზაციისათვის დაყოფილია ადმინისტრაციულ ერთეულებად.

საგარეჯოს მუნიციპალიტეტის შემადგენლობაში შედის 1 ქალაქი, 24 ტერიტორიული ორგანო და 46 სოფელი. საგარეჯოს მუნიციპალიტეტის სოფლები ერთიანდებიან ბადიაურის, გიორგიწმინდის, გომბორის, დიდი ჩაილურის, დუზაგრამის, ვერხვიანის, თოხლიაურის, თულარის, იორმუღანლოს, კაკაბეთის, კოჭბაანის, ლამბალოს, მანავის, მზისგულის, ნინოწმინდის, პატარა ჩაილურის, პატარძეულის, სათაფლეს, უდაბნოს, უჯარმის, ყანდაურის, შიბლიანის, წყაროსთავის, ხაშმის ადმინისტრაციულ ერთეულებში.

საგარეჯოს მუნიციპალიტეტის ფართობია 1 553,7 კმ² და 2014 წლის აღწერის მიხედვით მოსახლეობის რაოდენობა შეადგენს 51 761 კაცს, ხოლო სიმჭიდროვეა – 33,3. მუნიციპალიტეტის ცენტრია ქალაქი საგარეჯო. 2014 წლის აღწერის მიხედვით მუნიციპალიტეტის ყველაზე დიდი სოფელი მოსახლეობის მიხედვით არის თულარი (3 147 ადამიანი), საგარეჯოდან ყველაზე დიდი მანძილით დაშორებულია სოფელი იკვლივგორანა (72 კმ.).